"Epoint" Genesis Startup Academy proqramında iştirak haqqı qazandı!

15.05.2023
4932

Bu gün əminliklə iddia edə bilərik ki, biz ölkənin ən uğurlu startaplarından biriyik. Biz Azərbaycanı beynəlxalq səviyyədə təmsil edirik və müştərilərimizin sayı həndəsi inkişafla artır. Amma bu o demək deyil ki, biz inkişaf etməyi dayandırırıq. #Epoint komandasında hər kəs uğurun ilk növbədə daimi və davamlı inkişaf olduğunu bilir. “Meta”nın (keçmiş “Facebook”) dəstəyi ilə fəaliyyət göstərən və ən effektiv startapların dəstəklənməsi və inkişafı ilə məşğul olan “Genesis Startup Academy”yə daxil olduğumuzu qürurla elan edirik. "Epoint" 2000-dən çox müraciət edən iştirakçı arasından seçildi!

"Genesis Startup Academy" IT sahibkarları və C səviyyəli rəhbərlər üçün texnoloji startapların miqyasının artırılması və idarə olunması ilə bağlı iki aylıq  proqramdır. Məhsullarını təkmilləşdirmək üçün iştirakçılar qlobal şirkətlərin təsisçilərindən addım-addım biznes strategiyalarını öyrənəcək, mentorluq proqramını tamamlayacaq və Genesis və Meta ekspertlərindən ətraflı rəy alacaqlar.

Amazon Web Services (AWS), Zendesk, Notion, Deel, Horizon Capital, Flyer One Ventures və digər şirkətlər akademiyanın tərəfdaşları olublar.